Ҳаҭыр зқәу ҳауаажәлар!
Гәык-ҧсыкала ишәыдаҳныҳәалоит Аҧсны аҳәынҭқарра Аконституциа Амш. Ҳажәлар рхақәиҭратә қәҧара иалыҵшәоу, азинтә-демократиатә ҵаҵҕәы змоу ари адокумент иаанартит амҩа ҿыц, аҭоурыхтә перспектива ҿыц. Уи раҧхьаӡа акәны абас мҽхакы ҭбаала иҳәаақәнаҵеит Аҧсны – ихьыҧшым суверентә ҳәынҭқарраны ишыҟоу, насгьы амчра аныҟәгараҿы ажәлар рроль еиҳау даҽа мчрак шыҟам.
Аҧсны Аконституциа ҿыц афбатәи ахәҭаҷ иналкааны иазгәанаҭеит аҧсуа бызшәа аҳәынҭқарратә статус ҷыда. Ари ҭоурыхтә хҭыс дун. Аха ҳара иҳагыу рацәоуп уи реалла ақәныҟәараҿы.
Ҳәарас иаҭахыузеи, азинтә Закәан хада аҳәынқарра аргылара апроцесс аан иалагалахоит ҿыцрақәак, рҽеирақәак. Аха иааидкыланы уи шьарда изыхӡыӡаатәу, агәцаракра ззутәу документуп. Уи аиқәыршәара, адкылара, азинтә мчра азыҧҵәараҿы рџьабаа азгәаҭатәуп ихьыҧшым Аҧсны аҳәынҭқарра ашьаҭаркҩы Владислав Арӡынбеи Аҧсны раҧхьатәи адемократиатә Парламент аилазаара иалаз адепутатцәеи.
Инагӡахааит Аҧсынтәыла зқәу ахьыҧшымра амҩа! Иҟалааит аизыразра, аӡәкра ҳҿаҧхьа иқәгылоу аусӡбатә дуқәа раларҵәараҿы! Шьардаамҭа Аҧсынра!
